Riksteatret: «Fuglane» av Tarjei Vesaas
Mar
21
7:00 PM19:00

Riksteatret: «Fuglane» av Tarjei Vesaas

Fuglane liggande klar.jpg

Fuglane av Tarjei Vesaas i Storsalen 21. mars kl. 19:00

Den som har møtt Mattis, gløymer han ikkje. No skal ein ny generasjon få møte han. Forteljinga om Mattis har fengsla stadig nye generasjonar like sidan Vesaas-romanen først kom. Han er så lett å bli glad i – Tusten, som han kallast i bygda. Vi dreg kjensel på han, både hos andre og i oss sjølv. Og likevel er det nettopp det at han er så annleis, så heilt seg sjølv, som gjer at han treffer oss så sterkt – uansett kvar vi sjølv er i livet.

Mattis og storesystera Hege bur åleine og i svært enkle kår. Hege strikkar for å skaffe til livets opphald, men når Mattis tek seg ein jobb, går arbeidet gjerne i stå for han. Han lever mest i si eiga verd. Ein dag oppdagar han rugda som trekkjer over hustaket. Han kjem til å tenkje på seg sjølv som ein slik underleg fugl, og tolkar dette som eit teikn på at noko skal skje. Ikkje lenge etter slår lynet ned i eitt av dei høge trea utanfor huset. Det ser han òg som eit varsel – dei tretoppane har han kalla Mattis-og-Hege. Og når tømmerhoggaren Jørgen dukkar opp og får husrom hos dei, og Hege og Jørgen etter kvart blir kjærastar, føler Mattis at heile livet er blitt endra. Kva skal han gjere? Mattis kan ikkje tåle eit liv utan Hege.

Fuglane er dramatisert og filmatisert ei rekkje gonger, både i Norge og utlandet. Denne gongen blir Vesaas sitt meisterverk presentert av Riksteatret i ein heilt ny versjon. Den er laga av Lasse Kolsrud, som også har regien. Han har dei siste åra hatt ansvaret for eit heilt knippe suksessar på Riksteatret, frå Bikubesong og Førstereis til Kan nokon gripe inn. Han vil gje historia si unike blanding av robust forteljarglede og sorgmuntert alvor.

Riksteatret skal fortelje historier som sameinar eit publikum over heile landet – historier som gjev oss tilhøyre til kulturen vi lever i, som gjer vår felles livsoppleving gjenkjenneleg, levande og nærverande. Og viktig. I norsk etterkrigslitteratur er Tarjei Vesaas sin roman Fuglane eit slikt felleseige.

View Event →
Sogn og Fjordane Teater: Translyria
Apr
4
7:00 PM19:00

Sogn og Fjordane Teater: Translyria

translyria.jpg

TRANSLYRIA
SHAKESPEARE 
Omarbeidd av Frode Gjerløw

Her blir det kjønn og forviklingar på alle nivå. I god Shakespeare-ånd. 

Tvillingane er fødde som jenter, men den eine er gut. Familien klarer ikkje å sjå Sebastian for den han er, og han forlèt dei. Tvillingsøstera Viola reiser etter for å finne han og blir skyld i land i Illyria, tvillingbrorens indre verd. Ho blir send på ei reise gjennom beingrind, muskelfibrar og nervesystem. 

Regissør Frode Gjerløw har laga ei moderne forteljing rundt kjende Shakespeare-klassikarar. Allereie for meir enn 400 år sidan braut Shakespeare med gjengse kjønnsoppfatningar. Han skreiv både vakkert og komisk om det feminine og det maskuline, noko som vart forsterka av at kvinner ikkje fekk stå på scena på Globe Theatre i London, og at kvinneroller difor vart spelte av menn. 

Shakespeare gir ekko heilt fram til vår eiga samtid, der transfobi og krav om å stå fram som «ekte» menn og kvinner legg hindringar i vegen for Romeo-ar og Julie-er. I dette stykket blir den historiske Shakespeare feira og dagens samfunn utfordra.  

Med: Sulekha Ali Omar, Anders Firing Aardal, Ida Løken Valkeapää, Benedikte Sandberg og Preben Rongve.

View Event →

Riksteatret: «Georgs magiske medisin» av Roald Dahl
Feb
3
5:00 PM17:00

Riksteatret: «Georgs magiske medisin» av Roald Dahl

liggande 1000x500.jpg

Søndag 3. februar kjem Riksteatret til oss med teaterframsyninga «Georgs magiske medisin»

Passe rampete teater for hele familien. Også for bestemødre, viss dei tør!

Bestemora til Georg er ikkje som andre søte og snille bestemødre. Ho er nifs og syt og klagar og knurrar og bråkar og blandar seg opp i alt mogleg. Georg vil gje ho ein lærepenge. Så når ho skal få medisinen sin, lagar han ein boblande, frådande, magisk medisin, som garantert vil sende ho gjennom taket …

Roald Dahl er ein forfattar i særklasse og har skapt ei verd av uuttømeleg fantasi. Han var alltid på barna si side, og let aldri ein sjanse gå frå seg til å sparke dei som sparkast bør, dei maktsjuke, arrogante, autoritære og dømmande. Vaksne, sjølvsagt.

Men først og fremst får han oss til å le. Og grøsse. Og bli litt skremde (i alle fall ei lita stund inntil alt blir bra igjen). Og så ler vi endå meir. Hans utrulege historier har gjeve stoff til internasjonale storfilmar så vel som fargerike musikalar og fengande barneframsyningar.

Når Riksteatret tar Georgs magiske medisin til scena, engasjerer dei regissør og dramatikar Morten Joachim, som òg sette opp Doktor Proktors prompepulver. Han lovar ei framsyning med mykje musikk og magi, som involverer barna og tar ungane sin fantasi på alvor. Med Georgs magiske medisin skal han setje alt på hovudet og slå seg laus på barna sine vegne – heilt og fullt i Roald Dahl si ånd.

View Event →
Jentepust 2019
Feb
2
12:30 PM12:30

Jentepust 2019

Web Sogndal kulturhus (002).png

Treng du ein pustepause i kvardagen? Då er jentepust noko for deg!

Jentepust er ein verdensnyheit i trivselsfylket. 
Ein ide for å bringe saman jenter og damer i alle aldrar, ein konferanse der ein ønskjer alle velkomne, jobb eller privat, med tema som vi er opptekne av og som engasjerar oss personleg.

På Jentepust får du oppleve motiverande foredrag, god mat og drikke i ein hyggeleg atmosfære. 
Dette skal vere ein pustepause i kvardagen. 
Len deg tilbake, få deg ein god latter, bli inspirert, nyt dagen saman med gode vener og få påfyll av energi.

Føredragshaldarane Anne Lindmo, Linda Stuhaug, Trine Lerum Hjellhaug, Gunn Kristi Høgøy og Trude Ramstad er klare til å underhalde deg! Anne-Mette Hjelle er konferansier og losar oss trygt gjennom dagen.

View Event →
Sogn og Fjordane Teater: Alt det lyse og alt det mørke
Jan
26
6:00 PM18:00

Sogn og Fjordane Teater: Alt det lyse og alt det mørke

Alt det mørke, liggande.jpg

ALT DET LYSE OG ALT DET MØRKE
Av Brynjulf Jung Tjønn

«Alt det lyse og alt det mørke» er ei sterk forteljing om korleis omsorgssvikt kan gå i arv frå slektsledd til slektsledd. 

Det spesielle er at historia blir fortald frå barnet sitt perspektiv. Vesle Vibeke er glad viss ho berre får vere med faren i tømmerskogen. Under dei dansande snøfillene gløymer ho både kulde og svolt. Men uansett kor hardt ho tviheld på desse lysglimta, forsvinn faren i skuggane. 

Kva så når ho sjølv blir mor i ung alder? Vil ho klare å gi dottera Hildegunn ein lysare oppvekst?

Bak stykket står eit kraftlag frå Vestlandet. Det er andre gongen Miriam Prestøy Lie set i scene ein roman av Brynjulf Jung Tjønn. I 2016 laga ho teater av brageprisvinnande «Så vakker du er» med Thea Hjelmeland på scena, som vart ei ei kritikarrosa framsyning. Arbeidet blir no vidareført med bergensmusikar Selma Frida Stang som miksar elektronisk, pop, folketonar og salmar, og framfører musikken live. Det heile er pakka inn i scenograf Dordi Strøm sitt visuelle, leikande og vakre univers.

View Event →
Dec
10
6:00 PM18:00

Prøysen, Snekker Andersen og julenissen

liggande.jpg

Nyt ein flott middag hos oss før ein fantastisk forestilling!

Måndag 10. desember kjem Victoria Productions til oss med teaterstykker Snekker Andersen og julenissen.

I år blir det ei merkeleg og spennande julafta for snekker Andersen! På veg til vedskjulet for å ta på seg julenissedrakta, kollidera han med ei anna i julenissedrakt. Han seier han er julenissen, og kanskje dei skal bytte? 
Julenissen går til snekker Andersens barn og snekker Andersen går til julenissens.

Men korleis er julenissebarn? Er dei veldig forskjellige frå vanlige barn? Og kva i all verden skal dei få til jul? 
Snekker Andersen tek oppdraget!

Velkommen til ei rotnorsk juleførestilling som, i tillegg til historia om Snekker Andersen og julenissen, presentera mange av Prøysens udøyelege sangar som «Romjulsdrøm», «Musevisa», «Julekveldsvisa».

Vi garantera at julestemninga vil legga seg som eit varmt og godt teppe rundt heile familien!

Og kven veit? Kanskje alle barna får treffe julenissen etter førestillinga?

Passar for barn frå 3 år og oppover.




View Event →
Dec
9
5:00 PM17:00

Julesong 2018 med Tone Damli

julesong med Tone 2000x4000.jpg

Kombiner ein flott musikk opplevelse med ein flott mat opplevelse hos oss!

Julekonsert i storsalen med Tone Damli, Einar Bolstad, Kari Malmanger og Gunn Marit Kvåle. To konsertar; 17:00 og 19:30.

I fjor hadde Julesong tre fulle hus i Sogndal Kulturhus! I år er songarane i Julesong tilbake med saman med erfarne musikarar som Inge Ronny Kvåle (strengeinstrument), Bjørn Tore Årøy (tangentar), John Børge Askeland (bass), og Trond Øyre (lyd- og lysdesign).

Konsertane som garanterer julestemning og gåsehud er sett saman av songar som høver til advents- og førjulstida.

Kremlaget som dannar “Julesong 2018” vil dei fleste kjenna att frå konsertane i åra før, og frå tidlegare julekonsertar og andre framsyningar i Sogn dei siste åra. Og ikkje minst TV-programmet “ NRK Julelutt” som vart vist på NRK1 på julafta 2014. 

Tone stiller mellom anna med melodiar frå sitt julealbum “Di Første Jul” som kom ut i 2014. Kari vil mellom anna bidra med tradisjonsstoff frå folkemusikk og salmar, medan Einar og Gunn Marit syng fleire av dei mest kjende julesongane, og andre sangar som høver i førjulstida.

Set av kvelden slik at du kjem i julestemning i år du òg.



View Event →
Dec
9
5:00 PM17:00

Stedje Kyrkje: Messias av Georg Friederich Händel

førde kammerkor liggande.jpg

Nyt eit fantastisk måltid hos oss før eller etter konsert i Stedje kyrkje!

Konsert i Stedje kyrkje med Førde kammerkor i samarbeid med Sogndal songlag, orkester og solistar!

Førde kammerkor, i samarbeid med Sogndal songlag, stort orkester og fire solistar under direksjon av Asbjørn Flåm, skal framføre G. F. Händel sitt storverk ”Messias” i Førde kyrkje laurdag 08.12.2018 og i Stedje kyrkje søndag 09.12.2018.

Händel komponerte Messias i 1741, i løpet av berre 24 dagar. Frå ca 1750 vart verket framført årleg i London til inntekt for ein barneheim. I moderne tid har Messias blitt eit av dei mest spelte kyrkjeverka i adventstida. Teksten er henta frå fleire bøker i bibelen og handlar om både Jesu fødsel, offer og trua på evig liv.

Konsertane fell inn i den årlege førjulstradisjonen til Førde Kammerkor med framføring av ulike større kyrkjemusikalske verk rundt om i fylket. For Førde kammerkor er det også viktig å kunne medverke til eit mangfald av musikk- og kulturliv med slike konsertar som del av det samla kulturtilbodet i Sogn og Fjordane. I år er det gjor nokre endringar blant solistane: Mari Askvik, med røter i Leikanger syng altstemma, medan Christine Marøy denne gongen er sopransolist. Unge Helene Tyssekvam frå Sande har solopartiet der engelen stig ned og taler til gjetarane på marken. Eivind Kandal frå Kandal i Gloppen er tenor og Bjørn Gisle Seter syng bass. Mari, Eivind og Helene er nye solistar ved våre større framføringar. Vi ser fram til å få presentere desse unge songarane for publikum i Førde og Sogndal.


View Event →
Dec
8
5:00 PM17:00

Julesong 2018 med Olav Stedje

julesong 2000 x4000 Olav Stedje.jpg

Få ein fin aften med mat på Malin og julekonsert:)

Julekonsert i storsalen med Olav Stedje, Einar Bolstad, Kari Malmanger og Gunn Marit Kvåle.
To konsertar; 17:00 og 19:30

I fjor hadde Julesong tre fulle hus i Sogndal Kulturhus!

I år er songarane i Julesong tilbake med saman med erfarne musikarar som Inge Ronny Kvåle (strengeinstrument), Bjørn Tore Årøy (tangentar), John Børge Askeland (bass), og Trond Øyre (lyd- og lysdesign).

Konsertane som garanterer julestemning og gåsehud er sett saman av songar som høver til advents- og førjulstida.

Kremlaget som dannar “Julesong 2018” vil dei fleste kjenna att frå konsertane i åra før, og frå tidlegare julekonsertar og andre framsyningar i Sogn dei siste åra. Og ikkje minst TV-programmet “ NRK Julelutt” som vart vist på NRK1 på julafta 2014.

Olav stiller mellom anna med melodiar frå sitt julealbum “Stille Natt” som kom ut i 1983. Kari vil mellom anna bidra med tradisjonsstoff frå folkemusikk og salmar, medan Einar og Gunn Marit syng fleire av dei mest kjende julesongane, og andre sangar som høver i førjulstida.

Set av kvelden slik at du kjem i julestemning i år du òg.
 

View Event →
Dec
2
5:00 PM17:00

Eva Weel Skram - Finne Heim

Eva liggande klar.jpg

Kombiner konserten med Eva Weel Skram med eit fantastisk måltid på Malin:) På søndagane byr Malin på Sushi buffet.

Turneavslutning i Sogndal med Eva Weel Skram i Storsalen, søndag 2. desember!

Det blir to konsertar i Storsalen, kl. 17:00 og kl. 19:30!

Dei siste åra har Eva Weel Skram for alvor teke steget opp til å bli ein av landets aller mest folkekjære artistar. Helt sidan Eva byrja å synge på morsmålet etter deltakinga i ”Hver gang vi møtes”, har det gått slag i slag for Sogndalsjenta.

Høgdepunkta frå dei siste åra er mange; ”Selmas Sang” var temalåt for NRKs storsatsning Snøfall, og Evas framføring av den vakre singelen ”Berre la meg vær” på NRK Lindmo var gripande og personleg, og trefte publikum rett i hjerta.

Utslede hus i Operaen og Sentrum Scene i Oslo, Grieghallen i Bergen, Olavshallen i Trondheim og uendelege festivalspelingar har opna augene til publikum rundt om i landet, og dei vender tilbake gang på gang.

Singlar som ”Hold meg”, og den aller nyaste ”Om du vil” har blitt lagt til rekka av tidlegare hits frå ”Hver gang vi møtes” og Eva & The Heartmaker, og Eva har annonsert at fleire singlar kan ventast frå hennar kant utover våren. På seinsommaren slepp ho sitt første album på norsk.

Det er berre å gleda seg til nye høgdepunkt frå heile Norges Eva Weel Skram.

Turnèen heiter "Finne Heim", og den blir avslutta i Sogndal 2. desember!



View Event →
Sogndal musikklag feirar 90 år
Nov
25
6:00 PM18:00

Sogndal musikklag feirar 90 år

liggande bilde musikklaget.jpg

Sogndal Musikklag feirar 90 år med jubileumskonsert i Storsalen søndag 25. november.

I samband med jubileet vil musikklaget arrangere ein konsert i kulturhuset, der de får musikalske smakebitar frå laget sitt repertoir. Denne gongen har laget med seg 2 talentfulle lokale vokalistar: Gunn Marit Kvåle og Marius Loftesnes.

Få med deg denne flotte musikk-opplevinga, og kombiner det gjerne med ein søndagsmiddag på Malin.

View Event →
Nov
23
4:30 AM04:30

Riksteatret: «Karius og Baktus» av Thorbjørn Egner

Karius og Baktus liggande.jpg

Fredag 23. november kjem Riksteatret på besøk med teaterstykket Karius og Baktus!

Ekstra framsyning kl 16:30!

Ikkje gjer som mora di seier! :)

Gjer deg klar for besøk av to energiske små karar som tar innersvingen på både liten og stor.

Riksteatret viser den ”originale” Karius og Baktus - tru mot Thorbjørn Egner si historie og garantert godt barneteater. Thorbjørn Egner sin barneklassikar er ein del av vår moderne kulturarv, og historia om dei to rampete tanntrolla lever i beste velgåande. Forteljinga dukka opp i 1946, til fryd for mange, og til skrekk og åtvaring for dei som slurva med tannpussen.

Skremselspropaganda eller ei, Karius og Baktus har i over 70 år vist at den har livets rett, ikkje minst takka vere Thorbjørn Egner sine rike bokillustrasjonar, NRK-høyrespel og s velkjente dukkefilm.

Gap opp! :)

 



View Event →
Nov
9
7:00 PM19:00

Sogn og Fjordane Teater: Eg er i går

Eg er i går liggande.jpg

Fredag 9. november kjem Sogn og Fjordane Teater til Sogndal Kulturhus med teaterstykket "Eg var i går".

Mange historier frå 1930 og fram til i dag er iscenesette i Eg er i går. Framsyninga er resultat av eit stort arbeid ved Sogn og Fjordane Teater. Manus er basert på intervju med eit knippe av fylkets seniorar i alderen frå nokre-og-sytti til 100 år. Dei er den siste krigsgenerasjonen. Åra under tysk okkupasjon pregar livet deira, men det er langt ifrå det einaste dei har på lager. Dei fortel om forelsking, lyden av barneføter, det første fjernsynet. Dei bygde vegar som batt grendene i lag, dei bygde landet.

Arbeidsmetoden er ikkje ny for Sogn og Fjordane Teater. Både Burn baby, burn og Saman skal vi leve blei laga på bakgrunn av intervju med verkelege personar. Men der høvesvis småby-rånarane og ungdomsmiljøet rundt avlidne Arve Beheim Karlsen var anonyme, står den eldre garden fram med fullt namn. Dei kjem frå alle delar av Sogn og Fjordane, og representerer eit snitt av dei godt vaksne innbyggarane i fylket. Dei bidreg òg med autentisk fotomateriale frå livet dei har levd.

Menneske i svart-kvitt. Det er slik vi ser dei for oss, dei som har levd ei stund og ikkje lenger går så fort framover. I denne framsyninga deler dei rundhanda av røynslene sine, og det er ei gåvepakke til oss som kjem etter. Vi får kunnskapen vi treng for å forstå kvar vi kjem frå, og denne kunnskapen kan vi i tur dele vidare. Ein vakker dag er det vi som er i går.

View Event →
Nov
4
8:00 PM20:00

Jan Eggum

Eggum liggande.jpg

Nyt eit måltid på Maling før konsert med Jan Eggum:)

Konsert med Jan Eggum i Blaoxen på Sogndal kulturhus!

Det blir sagt at at Jan Eggum gir melankolien eit andlet, og dersom nokon skal bryte ned den myta, så må det vere Jan Eggum sjølv. 
Eggum er dreven i møtet med publikum, veit kva dei vil ha og måler skarpe og vare betraktningar om moderne menneske på jakt etter noko å halde fast i. På scena osar han av humor, varme og livserfaring som de fleste av oss berre kan oppleve på nettopp Jan Eggum konsert.

Som ein viktig og markant skikkelse innan norsk visekunst og populærmusikk sida midten av 70-tallet, er Jan Eggum er kjend for å vere ein munter melankolikar. Han karakteriserar seg sjølv som en artist som syng enkelt om vanskelige ting, gjerne om det mellomennekslege.

Musikalsk har han sitt utgangspunkt i visetradisjonen, med klare referansar til jazz og rock. Jan Eggum har motteke flere Spellemannpriser, både som soloartist og som medlem av Gitarkameratene.

Sjå fram til ei spesiell og intim konsertoppleving men ein av dei verkeleg store i norsk musikk! Søndag 4. november gjestar nemleg Jan Eggum Blaoboxen i Sogndal kulturhus.


View Event →
Oct
31
7:00 PM19:00

Vamp

liggande 1000x500.jpg

Kom i god stemning før konsert, ved å nyte eit godt måltid på Malin:)

Konsert med Vamp i storsalen, onsdag 31. oktober!

I år er det 25 år sidan Vamp kom ut med sitt aller første album, ”G od morgen søster”. Vamps velkjente sang Tirn’a Noir er frå dette albumet. Det starta samarbeidet med lyrikeren, Kolbein Falkeid i 1991 og allereie året etter fekk dei platekontrakt. Tirn’a Noir blei sluppen som singel og starta eventyret for alvor. Vamp snappa sin første Spellemann framfor ringrevene Bjørn Eidsvåg og Jan Eggum med sitt første album.

I dag tilhøyrer Vamp eliten av norsk musikkliv. Dei har utvikla eit spesielt uttrykk i møtet mellom musikk og lyrikk som har treft den norske folkesjela. Som været på vestlandet er dei fulle av kontrastar; frå det voldsomme og dramatiske til det lune og inderlege. Dei har selt plater i bøtter og spann og hausta mykje heider og ære , bl.a 5 Spellemannpriser og Prøysenprisen. Seinast i fjor haust mottok dei Medaasprisen 2017. Høsten 2017 kom også deiras siste album ”La la la”, som fekk strålande kritikk.

Katalogen er full av kjende og kjære sangar som dei kan ausa av på konsertane sine. 
Det er berre å gleda seg.

 

View Event →
Oct
21
7:30 PM19:30

Folk Flest

Folk flest 1000x500 pixel.jpg

Få ein flott søndag kombinert med flott musikk og eit godt måltid på Malin:)

Konsert med plateslepp i Storsalen, søndag 21. oktober!

Folk Flest - Konsert med plateslepp.

Vinteren 2018 spela Folk Flest inn plate og er no klare for å presentere resultatet for publikum! 
Sangane på plata inneheld både kjente og meir ukjente perler innan country og irsk inspirert musikk. 
I tillegg vil publikum og få høyre nytt materiale frå det folkekjære bandet.

View Event →
Oct
20
7:00 PM19:00

Dr. Bergland bryter taushetsplikten

Bergland liggande med terningar.jpg

Gjør deg klar for ein aften med mykje humor med eit godt måltid på Malin:)

«DR. BERGLAND BRYTER TAUSHETSPLIKTEN» av og med Jonas Kinge Bergland, i storsalen i Sogndal Kulturhus laurdag 20. oktober 2018!

En god latter forlenger livet!

Jonas Kinge Bergland er tilbake med en splitter ny forestilling etter suksessen med den kritikerroste «Dr. Bergland og den alternative medisin». Bergland er komiker, lege og idrettsutøver fra Holmlia utenfor Oslo. Vant Komiprisen i 2012

Dine symptomer: støl i magemusklene, sliten i kjevemusklene, inkontinens, sterk rytmisk aktivitet i pusteorganene, krampelignende reaksjoner (type latter), økt produksjon av endorfiner, økt pusteevne, hjertet slår fortere, harmoni, avspenning og generell velvære. Diagnose: du er i ferd med å le deg i hjel av «Dr. Bergland bryter taushetsplikten».

Denne forestillingen hadde premiere på Latter i Oslo våren 2017 og har slått alle salgsrekorder.

Men nå er det altså Sogndal som skal få oppleve en livsforlengende aften og humor på blå resept – VELKOMMEN!



View Event →
Oct
18
8:00 PM20:00

Frida Ånnevik

liggande klar.jpg

Nyt eit flott måltid på Malin før konserten:)

Konsert med Frida Ånnevik i Blaoboxen torsdag 18. oktober!

I haust kan Frida Ånnevik opplevast live når ho legg ut på ny turné saman med nokre av dei mest eminente musikarane landet har å by på.

«Denne turneen gleder jeg meg veldig til! Å synge på TV er stas nok, men det er enda mer stas å spille konserter. Da kan alt skje! I høst får jeg både komme tilbake til konsertscener hvor jeg har spilt før, og jeg får besøke noen spillesteder for første gang. Sånn håper jeg det er med publikum også, noen har vært på konsert med meg før, mens andre kommer for første gang. Velkommen skal dere være, jeg gleder meg til å se dere! Jeg skal lage en god blanding av repertoar fra alle platene mine, men jeg skal også ta med "Søtten år" og kanskje også "Gjenskinn" for de som har sett på Århundrets stemme. Mange har skrivi til meg og sagt at de gjerne vil høre dem igjen, og jeg gleder meg til å spille dem på konsert!» seier Frida.

Med seg i bagasjen har Frida låtar frå sine to siste album; «Her bor» & «Flyge fra» som begge ga ho Spellemannprisar i kategorien «Viser»! Begge platene hausta strålande kritikkar, og både VG, Dagsavisen, Hamar Arbeiderblad og Trønder-Avisa trilla terningkast 5. I tillegg kan publikum sjå fram til nokre perler frå Fridas deltaking på TV2s program «Århundrets Stemme»

 

View Event →
Oct
15
11:00 AM11:00

Riksteatret: På havets bunn

liggande-1.jpg

Kombiner forestilling med god lunsj på Malin:)

Riksteatret inviterar til babyteater midt på dagen

På botnen av havet er det ei lita perle av ei førestilling for dei aller, aller minste – der barna blir med på ei magisk oppdagingsferd under vatn med musikk, bevegelse og dei vakraste figurar frå botnen av havet.

Glinsande fiskestimar stryk forbi, medan maneten duvar sakte i straumen. Ein sjenert eremittkreps vågar seg fram frå sin skjulestad, og kamskjellet voktar sin hemmelegheit. Og kven veit, kanskje finnest det fleire skattar på botnen av havet?

Velkommen skal dykk vera, alle småfolk!


Førestillinga skjer på dagtid og er spesiallaga for dei aller minste barna frå 0 til 5 år.

View Event →
Sep
26
7:00 PM19:00

Sogn og Fjordane Teater: Yogakrigen

Yogakrigen_1000x500px.jpg

26. september kjem Sogn og Fjordane teater med teaterstykket "Yogakrigen", kombiner det med eit godt måltid på Malin :)

Pust med magen og legg att bekymringane dine utanfor døra. Du er god nok, akkurat slik som du er.

«Pokker ta ho megga som alltid kjem for seint. Og ho der med skilpaddetatoveringa, det er no vel aldri ... kona hans? Ho som står i vegen for mi lukke?».

Før møttest kvinner rundt kjøkkenbordet og snakka saman, no går dei på yoga og snakkar ikkje saman i det heile tatt. Men i tankane brølar dei. I tankane går dei til åtak på kvarandre og ikkje minst seg sjølve med sleivete kommentarar og emosjonelle molotov-cocktailar.

Tenk deg at du kan sjå begge desse parallelle røyndomane - både yogaen og krigen - skje på ein og same gong framfor deg på scena. Kva er verkeleg, og kva er draum? Kva blir sagt, og kva blir tenkt?

View Event →